İsti hava ürək tutmaları, infarkt və insultun, böyrəklərdə daşların əmələ gəlməsinin, sinir sistemi xəstəliklərinin kəskinləşməsinin riskini artırır.

Mütəxəssislər istinin insan orqanizminə olan mənfi təsirini azaltmaq üçün müxtəlif vasitələr tövsiyə edir. Belə ki, rusiyalı həkim-diyetoloq Viktoriya Savitskayanın fikrinə görə, isti havanın orqanizmə olan mənfi təsirini ən yaxşı azaldan vasitə çökə güllərinin dəmləməsidir.

Həkim qeyd edir ki, bu dəmləmə beyinin və ürəyin fəaliyyətinə müsbət təsir edir, ürəyin ritmini və arterial təzyiqi tənzimləyir, sakitləşdirir, yuxunu yaxşılaşdırır.