Heyva orqanizmimizə və gözəlliyimizə faydalıdır.

Heyvanın yarpağında olan fenolun miqdarı çoxdur. Bu səbəbdən də heyva yarpağını qurudub qış aylarında çay kimi içmək çox faydalıdır.

Heyva qanda şəkərin miqdarını çox sürətlə artırmır. Yəni diabetdən əziyyət çəkir və pəhrizdəsinizsə, rahatlıqla heyva yemək olar. Bundan başqa heyva toxluq hissini uzadır və bu da arıqlamağa kömək edir. Pəhrizdə şirniyyata alternativ kimi heyvanı qaynadıb, ya da buxarda bişirib yemək olar.

Heyvanın tərkibindəki C vitamini və fito kimyəvi maddələr immunitet sistemini gücləndirir. Heyva orqanizmi virus, bakteriyalara qarşı qoruyur.

Heyvanın tərkibi dəmir, sink kimi minerallarla zəngindir. Bu isə qan dövranını artırır, saçın dibinə bol oksigen daşınmasına kömək edir.

Heyvanın tərkibindəki dəmir, mis və sink kimi minerallar qırmızı qan hüceyrələrinin çoxalmasına kömək edir. Qırmızı qan hüceyrələri bölünüb çoxaldıqca qan dövranı zamanı daşınan oksigen miqdarını artırır. Bu da dəriyə faydalıdır.

Tərkibi antioksidantlarla zəngin olan heyva polifenol vasitəsilə orqanizmi sərbəst radikallara qarşı qoruyur, xərçəng riskini azaldır.

Ürək-damar sağlamlığı

Heyvanın tərkibində potasiumun miqdarı çoxdur. Bu isə yüksək qan təzyiqini aşağı salır. Bundan başqa heyvanın tərkibindəki pektin maddəsi də xolesterolu azaldır.

Qaz problemini həll etmək, həzmi asanlaşdırmaq üçün qaynadılmış heyva məsləhət görülür. Heyva qəbz problemini həll edir, ishal olanlara da kömək edir. Xüsusən də qaynadılmış heyva çox faydalıdır.

Heyvanın tərkibindəki liflər bağırsaq xəstəliklərinə qarşı orqanizmi qoruyur.

Heyvanın tərkibindəki dəmir qan hüceyrələrinin çoxalmasına kömək edir. Qan azlığından əziyyət çəkənlər üçün heyva əla meyvədir.

Heyva anti-bakterial xüsusiyyətə malikdir. Bu səbəbdən orqanizmdə bir çox mikro orqanizmin çoxalmasının qarşısını alır. Ağızdakı bakteriyaları məhv edən heyva pis ağız qoxusuna qarşı çox effektivdir.