Təbəssüm əxlaqımızı gözəl edə bilər. Bir tədqiq göstərir ki, o insan ki, başqalarını güldürməyi sevir həyatda şən yaşayır. Ancaq bu güldürməsi təhqir və ya məzəmmətli olmamalıdır. Əgər insan adi halda təbəssüm etsə, gözəl hisslər keçirəcəkdir. Başqaları da sizinlə gözəl rabitə qurmağa çalışacaqdır.

 

Siz dərinizin xarab olmasının qarşısını almaq üçün krem istifadə etmək yerinə təbəssüm edə bilərsiniz. Təbəssüm dərini cavan saxlayar. Çünki təbəssüm - qocalıq əleyhinə olan dərmandır.

 

Mütaliələr gösərmişdir ki, şad olmaq müvəffəqiyyətə bais olar. Yəni o insanlar ki, xoş rəftara malikdirlər, işlərində müvəffəqdirlər.

 

Tədqiqatlar göstərir ki, beynimiz təbəssümə xüsusi diqqət edir. Bir tədqiq zamanı iştirak edənlərə bir neçə gülər üzlü və bir neçə də adi halda olan insanların şəkillərini göstərirlər. Sonradan məlum olur ki, iştirak edənlər gülən insanların simasını daha çox yadda saxlayıblar.

 

Təbəssüm edərək insanların qəlbində olan küdurəti aradan aparmaq olar.

 

 

Siz küçədə gedən zaman bir nəfərin güldüyünü görürsünüz və onun nəyə güldüyünü bilmirsiniz, ancaq istər-istəməz üzünüzdə təbəssüm yaranır. Çünki beynimiz daima gülərüzlü insanların axtarışındadır. Onlara müsbət cavab verir.

 

Yeni Zelandiyada aparılan tədqiqatlar göstərir ki, insan əgər gülərüz olarsa, deməli onun halı və vəziyyəti başqalarından daha yaxşıdır. Başqaları da bu cür insanlarla işləməyə daha çox meyl edərlər.

 

Diş sağlamlığı insan bədəninin sağlamlığı üçün mühüm amildir. Bu cür insanlar rahatlıqla gülə bilmirlər. Ona görə də gülərüz insanların dişləri həmişə qaydasından olur.

 

O kəslərin ki, üzündə həmişə təbəssüm olur, onların stressləri az, qəlbləri sağlam, qan təzyiqləri normasında, ruh və psixologiyaları daha yaxşı olar. Təbəssüm həyatınıza sevinc qatar və sizi sağlam saxlayar.

Beləliklə deyə bilərik ki, təbəssüm etmək insana çox sayda fayda gətirir ki, onlardan biri də bədənin və ruhun sağlam olmasıdır. Ancaq bu, o demək deyildir ki. insan özünü həmişə təbəssüm etməyə məcbur etməlidir. Həqiqətdə yalançı təbəssüm əksinə - sizin ruhiyyənizi tamamilə korlaya bilər.

Ona görə də ruhiyyənizi yaxşılaşdırın və həyatın hər anından bəhrələnməyə çalışın. Çətinliklərə isə təbəssüm edərək, qalib gəlin.