Yediyiniz qidalar sizin dərmanınız ola bilər.

Aztəhsil.com mətbuat.az-a istinadən xəbər verir ki, bəzi qidalar gəncləşdirir, bəziləri isə müxtəlif xəstəliklərə qarşı qoruyur. Həmin qidalardan bəzilərini təqdim edirik.

Balıq:

Elmi araşdırmalara görə, balığın tərkibindəki omeqa-3 yağ turşuları bədəndə bir çox xroniki xəstəliyin ortaya çıxmasına səbəb olan iltihabı azaldır.

Gül kələmi, brokoli:

Gül kələmi, brokoli, Brüssel kələmi, bənövşəyi kələm tərkibindəki "izotiyosiyanatlar” sayəsində prostat, mədəaltı vəzi, ağciyər və mədə xərçənglərindən qoruyur.

Qırmızı meyvələr:

Böyürtkən, qaragilə kimi qırmızı-bənövşəyi meyvələr tərkibindəki antioksidantlar sayəsində qocalmağın qarşısını alır.

Narıncı tərəvəzlər:

Yerkökü, balqabaq və şirin kartof kimi tərəvəzlərə narıncı rəngi verən beta-karoten güclü antioksidantdır. Xüsusilə, dəri və göz sağlamlığı üçün faydalıdır. Elmi araşdırmalar göstərib ki, ürək və damar sağlamlığını qorumaq üçün bu tərəvəzlərdən istifadə etmək lazımdır.

Qara şokolad:

Qan təzyiqini aşağı salır.