Övladınıza məktəbin onun üçün necə önəmli olduğunu tez-tez xatırladın. Bunun onun gələcək nailiyyətləri üçün ilkin addım olduğunu söyləyin. Onunla eyni sinifdə bir neçə uşağın oxuyacağını yeni yoldaşlar əldə etmək üçün şans kimi təqdim edin.

Hələ də övladınızın sizdən ayrıldığı vaxt həyəcan keçirdiyini hiss edirsinizsə, ona dərsdən sonra mütləq onu məktəbdən evə aparacağınızı söz verin. Bunu ona nə qədər inandırıcı söyləsəz onun məktəbdəki ilk günləri bir o qədər rahat ola bilər. Verdiyiniz sözə əməl edin- işlərinizi elə qurun ki, dərsdən çıxan kiçik məktəbliniz digər yoldaşlarının yaxınları ilə evə getdiyinə baxaraq sizin yolunuzu gözləməsin.