Valideyin iclaslarına niyə yalnız analar,nənələr gəlir ?

Hörmətli oxucu məktəblərimizdə müəllimlər arasında Gender bərabərsizliyinin olması ( qadın müəllimlərimizin tam əksəriyyət təşkil etməsi ) göz qabağındadır. Ailələrdə də uşaqların tərbiyyəsi anaların üzərinə atılıb desək yanılmarıq. Məktəblərdə keçirilən ümumməktəb valideyin iclasları və ya sinif valideyin iclaslarında da yalnız nənələrin və anaların  iştirak etməsi şagirdlərin təlim-tərbiyyəsində yaranan böyük boşluqların səbəblərindən biri bəlkə də birincisi deyilmi ?

Patriaxal ( kişilərin hakim mövqe tutduğu ) Şərq cəmiyyətində yaşamağımıza baxmayaraq gələcəyimiz olan övladlarımızın tərbiyyəsi ilə yalnız qadınların məşğul olması bizi hara aparır ?

Kişilərin özlərini yalnız ailənin maddi tələbatının ödəyicisi kimi hiss etməsi və ya yalnız bu mövqedə durması  ailələrdə üçurumların yaranmasının və durmadan artan boşanmaların səbəblərindən  ola bilərmi ? 

Əsas fakt odur ki, bu gün atalar ,babalar məktəb qapılarını nadir hallarda açırlar. Və onların sayı hər bir məktəbdə barmaqla sayılan qədərdir.