Dünyada getdikcə məşhurlaşmağa başlayan mavi yumurtaların faydaları açıqlanıb.

Aztəhsil.com xarici mətbuata istinadən xəbər verir ki, yumurtaların faydaları ABŞ Kənd Təsərrüfatı Nazirliyinin labaratoriyaları tərəfindən təsdiqlənib.

Mavi yumurtaların qida və protein dəyəri digərlərinə nisbətən daha çoxdur.

Tərkibində yüksək miqdarda A, D, E və B qrupu vitaminlər var. Yağ və xolestrol səviyyəsi aşağıdır. D vitamini və kalsiumla zəngin olduğu üçün uşaqlarda və qadınlarda sümük əriməsinin qarşısını alır. Həmçinin, dəmirlə zəngin olması qanazlığının qarşısını almaq üçün təbii dərmandır.

Bir çox xəstəliyin müalicəsində istifadə olunan yumurta pərdəsi mavi yumurtada daha qalındır. Mavi yumurtaların sarısı isə daha böyükdür. Bu yumurtalarda doymamış yağ turşuları daha yüksək olduğu üçün, ürək-damar xəstələri tərəfindən istifadəsi məsləhətlidir. Selen elementi ilə zəngin olan mavi yumurtalar immun sistemini möhkəmləndirir.